Liburu baliagarria

Oraingoan Issuu web orrialdearen bidez aurkitu dudan liburu interesgarri bat dakarkizuet. Issuu web orrialdea sarean digitalizatutako materiala ikustea ahalbidetzen duen zerbitzu bat da, liburuak, aldizkariak, egunkariak, portafolioak... bezalako argitalpenak on-line ikusteko aukera eskaintzen duelarik.
Bertan arakatzen egon ostean zenbait liburu interesgarri topatu ditut baina horietako bat aproposa iruditu zait blogean txertatzeko.



"Taller de manualidades" liburuan umeekin egiteko hainbat eskulan agertzen dira, bost urtetik gorako haurrekin lantzekoak, eta material desberdinak erabiltzeko aukera eskaintzen dizkigutenak. Liburua hainbat ataletan banatuta dago eskulanak egiteko erabiltzen diren materialak edota teknikak irizpidetzat harturik. Horrela, plastilina, buztina, papera, mosaikoak, collage-ak, mozorroak, txotxongiloak, gabonetako apaingarriak, natura eta birziklatutako objektuak atalak aurki ditzakegu, besteak beste, bertan.
Hala ere, esan beharra dago, gazteleraz idatzita dagoen argitalpena dela, izan ere, eta nahiz denbora pilo bilatzen eman dudan, ez dut blogean txertatzeko euskarazko argitalpen egokirik topatu.
Niri gertatutako hau askotan gertatuko zaizue edo jada gertatzen ari zaizue zuetako askori, gaztelaniaz eta ingeleraz eskaintzen den materiala askoz osotuagoa eta anitzagoa delako. Horregatik, normalean gure beharrizanetara moldatzeko material horiek egokitzen ibili behar gara, baina horrek nire ustez, oraindik ere aproposagoa bihurtzen du, gure ikasleentzako espreski, haien egoera, beharrizanak eta maila kontutan harturik izan baitira sortuak.
Beraz, hemen aurkezten dizuet liburuaren erakusketatxo hau gustokoa izatea espero dut eta hura nahi duzuen modura egokitu eta erabiltzea.

Agur eta ondo izan!

Open publication - Free publishing - More actividades