Collage Machine

Sarrera honetan oso originala iruditu zaidan material bat dakarkizuet.
"Collage Machine" izeneko makina da, hain zuzen ere. Material hau NGA-ren (National Gallery of Arts) webgunearen barruan kokatzen delarik. NGA Washingtonen kokatzen da eta umeei bideratutako programa izugarri on bat eskaintzen dute "The Art Zone" webgunean. Izan ere, umeei oinarrizko gaitasunak garatzen laguntzea da instituzio honen helburuetako bat, gaitasun kulturala eta artistikoa edota autonomia eta ekimen pertsonalerako gaitasunak garatzera bideratzen dituztelarik haien jolasak.
Pixkat gorago aipatu dizuedan bezala, webgune honetan agertzen den "Collage Machine" collage-ak egiteko jokoak txundituta utzi egin nau, eskaintzen dituen ehundaka aukerengatik. Bertan jolasten diren haurrak ehundaka material, irudi eta forma desberdin izango dituzte aukeran haiek nahi duten itxurako collage bat sortzeko.
Horrela, "Collage Machine" erabilita azken emaitzak, hau da, collage bukatu batek, izango zuen itxura erakusteko nik neuk ere saiakera bat egin dut. Gustokoa izatea espero dut! Hurren arte eta ondo izan!

Koloreak lantzen

Noizbait nire bloga irakurri baduzue edo azken sarreretako bat irakurri bazue konturatuko zineten arte hezkuntza tipikoa edo betikoa ez den modu batean irakasteko baliabideak topatzen ibili naizela.
Izenburuagatik antzemango zenuten bezala, sarrera honetan koloreen inguruan hitz egingo dizuet.
Koloreen gurpila edota kolore hotzak eta beroak lantzerakoan normalean modu teorikoan egiten da, jarraian jarri dizuedan taula bezalako materiala erabiltzen delarik horretarako.

Kolore beroak	Kolore hotzak
Horia Gorria Laranja Larrosa	Urdina Berde argia Berde iluna Morea

Webgune interesgarriak

Azkenaldian, Arte Hezkuntza modu interdiziplinar batean lantzeko webguneak bilatzen ibili naiz eta aurkitu ditudan zenbait zuen eskura jartzea pentsatu dut.
Lehenik eta behin, esan beharra dago, betiko problemarekin topatu naizela, hau da, material "politena" ingeleraz eta gaztelaniaz aurkitzen dela, bereziki ingeleraz.
Hala ere, topatu ditudan batzuk hain dira onak, non hala eta guztiz ere ikasleekin lantzeko gomendatuko nituzkeela.
Horietako bat Chicago-ko unibertsitateko campusean kokatzen den "David and Alfred Museum of Arts" museorako sortutako proiektu bat da, smARTkids izenekoa. Webgune interaktibo bat da, zeinetan ikasleei museoa eta bertako zenbait obra bisitatu eta aztertzeko aukera eskaintzen zaien.
Hau guztia modu dibertigarri batean burutzen da, izan ere, ikasleek autonomia osoz ibil daitezke museoko aretoetan zehar gehien gustoko dituzten obren inguruan ikasiz eta horien inguruko ariketak eta jolasak eginez.
Niri bezain beste gustatu egin baizaizue, ez galdu aukera, sar zaitezte web orrialde honetan eta murgildu artearen munduan. Horretarako, goiko "smARTkids" horretan sakatu besterik ez duzue, edota blogeko ezkerreko zutabean daukazuen nire delicious kontura joan eta handik abiatu.
Hortaz, zuen eskura uzten dut, nire partetik ez dut jada ezer gehiagorik esateko. Goza ezazue eta ondo izan!

Eskulana

Kaixo lagunok!
Sarrera honekin batera nik egindako bideo bat dakarkizuet. Egin dudan lehenengo bideoa da, eta horren ondorioz, seguraski zenbait akats izango ditu. Hala ere, nire lehen bideo izanik nahiko gustora geratu naiz emaitzarekin.
Bideo honetan argazki-marko bat egiteko burutu beharrekoak jarri dizkizuet azalduta, pausuka, eta baita eskulan hau egiteko beharrezkoak izango dituzuen materialak.
Beraz, praktikan jartzea espero dut eta egiten nik bezain ondo pasatzea. Ondo izan eta hurren arte!

Nire soinua

Kaixo guztioi! Gaurkoan nik idatzitako testutxo baten audioa jarriko dizuet. PodOmatic programaren bidez igo dut soinu artxiboa sarera eta bertatik hemen jartzen dizuet.
"Bizitza koloretsua" da testutxoaren izenburua, eta koloreen garrantziaren inguruko hausnarketa bat egiteko idatzi dut, hau da, konturatzen ez garen arren, koloreek gure bizitzan daukaten presentziaz hausnartzeko.
Besterik gabe, gustoko izatea espero dut. Agur eta hurren arte!

Dali txikia

Kaixo lagunak!
Oraingoan blogger ibili naiz arakatzen eta Arte Hezkuntza gaia jorratzen duen blog oso interesgarri bat topatu dut. Blog honen izena Dali txikia da.
Jarduera oso original bat agertzen da bertako sarrera batean, musika eta margolaritza uztartzen dituena, eta bikaina iruditu zait blogean txertatzeko.
Sarreran ariketaren nondik norakoak agertzen dira, eta beraz, informazio gehiago eskuratu nahi izanez gero hemen behean jarri dizuedan irudian klikatzea besterik ez duzue.
Goza ezazue eta hurren arte!

Nahiz eta argazkian ez den ikusten, sarreran iruzkin bat idatzi dut, honela esaten duena:

Kaixo Leire!! Lehengoan esan nizun moduan, zure blogaren irakurle ohia naiz, izan ere, dakizun bezala nik ere Arte Hezkuntzaren inguruko blog bat idazten dut, eta oso material interesgarria jartzen duzula iruditzen zait. 
Egin duzun sarrera hau oso aproposa ikusten dut ikasleen autonomia eta irudimena lantzeko eta horregatik nire blogean txertatzea pentsatu dut. Milesker eta hurren arte!

Liburu baliagarria

Oraingoan Issuu web orrialdearen bidez aurkitu dudan liburu interesgarri bat dakarkizuet. Issuu web orrialdea sarean digitalizatutako materiala ikustea ahalbidetzen duen zerbitzu bat da, liburuak, aldizkariak, egunkariak, portafolioak... bezalako argitalpenak on-line ikusteko aukera eskaintzen duelarik.
Bertan arakatzen egon ostean zenbait liburu interesgarri topatu ditut baina horietako bat aproposa iruditu zait blogean txertatzeko.

Nire esperientzia

Oraingoan, nik Arte Hezkuntzan izandako esperientziaren inguruko PowerPoint bat dakarkizuet. Aurkezpena authorstream PowerPoint aurkezpenak partekatzeko plataformaren bidez igo dut sarera eta nire kontutik, hemen, blogean, jartzen dizuet.
Horrela, aurkezpen honetan Haur Hezkuntzatik Derrigorrezko Bigarren Hezkuntzara arte burututako proiektuak, irudiak, eskulanak... agertzen dira, eta horiek egiteko erabili nituen material eta teknikak.

Nire esperientzia Arte Hezkun...

More PowerPoint presentations from jonecormen

Lanean hasteko kantak

Klasearekin hasterakoan maiz arazoak egoten dira umeak oraindik ere kontzentratuta ez daudelako. Horregatik, askotan jolastordutik edota eguneko lehen ikastorduetan abestiak edo kantak erabiltzen dira ikasleak klasearen dinamikan sartzeko.
Horrela lortu nahi denaren araberako kanta aukeratzea oso garrantzitsua da, izan ere, ez dugu abesti berdina erabiliko gure helburua ikasleak aktibatzea izanez gero edo haiek lasaitzea. Ondorioz, kanten hautaketa on bat egitea oinarrizkoa da.
Oraingo honetan umeak aktibatu eta ekinean hasteko kanta apropos bat dakarkizuet, ni txikia nintzenean ikastolan askotan jartzen ziguten bat:  "Xalala, riki-riki". Nire ustez, oso abesti erabilgarria da ikasleak goizeko lehen ordu horietan martxan jartzeko eta gainera abesti honen dantzaren bidez, klasean zehar erabili beharko dituzten gorputz atalen (besoak, eskuak, eskumuturrak, atzamarrak...) beroketa ere burutu ahal izango dute ikasleek.

Hala ere, gustokoagoa edo aproposagoa iruditzen zaizuen beste kanta bat ezagutuz gero, hori erabiltzea besterik ez duzue; izan ere, euskaraz milaka kanta polit, dibertigarri eta baliagarri dituzue hautatzeko!

Besterik gabe, agur eta hurren arte!

Artistak lantzen

 Sarrera honekin batera "SlideShare" programa erabilita aurkitu dudan power point aurkezpen interesgarri bat jartzen dizuet. Aurkezpenean Paul Klee artistaren obra batzuk daude ikusgai eta baita bere bizitzari buruzko informazio apur bat. Oso erabilgarria iruditu zait artista hau Lehen Hezkuntzako ikasleekin lantzeko, izan ere, kolore eta formak oso modu berezian adierazten ditu eta kutsu abstraktua izan arren, bere irudiak oso figuratiboak dira, adierazten duena ulergarria egiten delarik. Azkenik, aurkezpen honetan galderatxo labur batzuk agertzen dira, ikusitakoaren inguruko hausnarketa egiteko aproposak direnak.Besterik gabe, erabilgarria suertatzea espero dut. Hurren arte eta ondo izan!Paul klee

View more presentations from CEP Kontxa LHI

Arte Hezkuntzaren lanketari buruzko proiektu berritzailea

Bideo hau aurkitu dudanean oso aproposa iruditu zait blogean txertatzeko. Bideo honetan Arte Hezkuntza eskolan lantzeko modu berritzaile eta interesgarria aurkezten duen proiektu bat agertzen zaigu.

Benagalbon (Malaga) herriko "Nuestra Señora de la Candelaria" Eskola Publikoan martxan jarritako proeiktua da, bost urtez erabilia izan dena. Proiektuaren bidez ikasleak eta artista espazio komun batean kokatzen dira. Horrela, hiru hilabetero artista eta lantzen den teknika artistikoa aldatzen dute. Kasu honetan, Sabina Huber artista agertzen zaigu bideoan ikasleekin lanean. Artistaren aburuz, proiektu honen bidez artea beste modu batean aurkezten zaie haurrei, museo batetako hormetan dauden koadro zintzilikatuez ahaztuz, ikasleek akitiboki hartzen baitute parte exposizioaren muntaian.



Hala ere, proeiktu honen eta aurrera ateratzen dituzten beste batzuen inguruko informazio osotuagoa eskuratu nahi izanez gero eskolarekin kontaktuan jar zaitezkete haiek duten webgune ofizialaren bitartez: http://www.colegiodebenagalbon.com/

Curriculuma: Arte Hezkuntza

Hemen uzten dizuet Curriculumeko Arte Hezkuntzari dagokion atala.
Oinarrizko Curriculumaren Dekretua dakizuenez hezkuntzaren oinarria izan behar da, hura irizpidetzat hartuta garatu behar baita hezkuntza.
Oinarrizko Curriculumean oinarrizko gaitasunak eta helburuak agertzen dira besteak beste, irakasleek kontutan hartzeko ezinbestekoak direnak, horiek ikasleen garapenerako euskarria supusatzen baitute.
Beraz, irakasleek eta irakasle izango garenok oso presente edukitzekoa da material hau.
Baliagarria suertatzea espero dut!

Art Attack programako bideo bat doakizue orain, umeekin egin daitezkeen milaka eskulanetako bat aurkezten duena. Berriz ere espero dut gustoko izatea eta praktikan jartzen saiatzea! Ondo izan!